今日12點幾先起身~ 唉~ 我本來打算10點幾就起身嫁...
之後就去左剪頭髮~ 本來今次想拉直佢~ 不過佢無提我~ 咁就唔拉啦~ XDDD
今次等左好耐先有得剪~(因為我之前果個女人好煩...) 剪完都已經3點~
之後同老婆出左去九龍灣~ 首先係配眼鏡~
驗左眼~ 不過度數無咩點變~ 係左眼多左25度~ 好彩右眼無再高~ 因為已經7XX度...
之後去左食野~ 食完野之後就過左九展等入埸(JAM PROJECT)~
我地預早左好多入去~ 因為意為精品果度要排好耐~
點知原來無咩人排~
結果多左好多時間~ 我地就係P記度HAR~ 我飲左杯咖啡~
唔~ 比我想像中好飲左~ 以前P記D咖啡真係唔好飲... 我個人是喜歡星巴克多D~
但係今次飲呢杯~ 真係好飲過星巴克~
坐到6:30之後就入場了~ 不過其實7:30先開埸...
入到去坐~ D人已經好熱血~ 特別係前排果D~ =.="
其實我的目的只係陪老婆~ 不過以前都有聽過少少機戰既歌~ 所以有D都會聽過(心想)~
到左開場... WA~ 咁多吉位... 真係傷心... 我心目中既JP應該會爆埸的... 真係有D唔開心...
一開始我都唔係好投入~ 因為D歌未聽過~ 同埋我個頭好痛~
加上...音響好差... 唉... 加上我後面有兩女係度尖叫... 我想死...
其實JP唱得好好~ 全隊人都係靚聲~ 又夠氣~
我而家先知~ 原來奧井姐姐~ 萌又得~ 型又得~ 好正~ >_<
以前都已經鐘意福山~ 因為超時空要塞7既歌~
而家我有少少鐘意左~遠藤~ 好型呀~~ >_<
老婆開場之前已經講左我聽~ 每次LIVE佢地都會用果個國家既語言唱一首歌~
我本來意為佢地會唱龍珠~ 點知竟然係唱KERORO~ XD
http://www.youtube.com/watch?v=_lJiJQaM7Q0
奧井姐姐的廣東話最正~
到左下半場~ D歌開始岩聽~ D歌都比較熱血~ 終於都HIGH起來了~ XD
不過... 香港人睇LIVE有一個壞習慣... 係又嗌唔係又嗌... 快歌~熱血歌~ 你嗌唔係問題...
但係慢歌都嗌... 都真係唔知做咩... 全埸得幾個人識拍手...
10點左右又到左LIVE既尾聲~ 都係最HIGH既時候~
JP都已經唱到無晒氣~ 不過都仲係好熱血~ 佢地把聲... 係點樣生存嫁... 好勁...
我覺得今次~ 只係聽隊BAND已經好正~ 個主音結他手好勁~ 我有好多次視線都放左係佢身上~
個KEYBOARD原來係個靚女~ XD
離場果時~ 再買一本場刊~ 之後就送老婆去搭車~ 陪佢等完車我自己都番屋企了~
好肚餓呀... 不過聽日要驗身~ 唔可以食野呀~
算數~ 早D訓...
留言列表